Читать онлайн полностью бесплатно Рузил Фазлыев - Иман юлы. Шигырь

Иман юлы. Шигырь

Аллаһны зикер итүнең бихисап фазыйләтләре бар. Шуларның берсен карап үтик. …Аллаһны зикер итеп йөргән кеше бу дөньяда да, Ахирәттә дә олы әҗер-савапларга ирешәчәк.

© Рузил Фазлыев, 2022


ISBN 978-5-0056-9179-8

Создано в интеллектуальной издательской системе Ridero


Безнең дин

Ниләр бирә ислам дине,
Дин тотудан кемгә файда?
Иманлы булып яшәүнең,
Асыллары нинди, кайда?
Ислам сүзе – буйсынучы…
Бер генә зат – Аллаhыга.
Ихлас булып ышануың…
Ярдәменнән калмасыңа.
Камиллекнең чиге кебек,
Нигезләре – биш багана…
Иман өчен юллар ачык,
Теләгәннәр бара ала..
Намаз уку, ышануга…
Гыйбәдәттә була белү.
Зәкәт биреп, ураза тотып,
Изге җирне барып күрү…
Тәртипләрен аның белү
Хәләл, харам сүзен аңлау.
Әдәп асылын үзләштереп,
Кыек юлдан hичтә бармау.
Бары кирәк ике әйбер :
Бәлигъ яшьтә… акыл булу.
Ихлас булу, үз динеңдә,
Ул – Аллаhка якын булу!

Кайчагында

Кайчагында без бик динле кебек,
Күп вакытлар динсез шикелле…
Кем булабыз шулай яшәгәндә?
Дөрес әйтсәк- юньсез бит инде.
Ак булалмый, әгәр кара керсә,
Пакъ булалмый кара күңелләр.
Шуңадыр да бәлки сәерлектә,
Үтә безнең бүген гомерләр.
Әфәт килә кинәт көтмәгәндә,
Дәүләт дигән әйбер файдасыз.
Кая юллар безне алып бара,
Соңгы тукталышлар кайда соң?
Наданлыкмы, әллә битарафлык
Кешеләрне шулай битәрли?
Ашыгулар юлы -билгесезлек…
Бер адымда алга китәлми…
Бер урында йөгергәндәй генә,
Бәрәкәтсез тормыш корулар.
Зыян гына була түгелме соң,
Кеше булып җирдә булудан?
Бөтен гомер үтә шулай итеп,
Югалганнар кире табылмый.
Эх! -диярсең, ләкин соңарырсың,
Калалмассың барыбер сагынмый.

Тәкъдир

Язмыш дибез, аны гади телдә.
Тәкъдир итеп, язып куелган.
Үтәр өчен, аның кадерен белеп,
Кеше гомерләре буеннан…
Ике юлы- hәрчак сайлар өчен,
Кайсы юлдан, ничек барырга.
Юллар алыштырып яшәмичә,
Кушканында кирәк калырга.
Гәмәлләрдә язмыш матурлыгы,
Болар барсы кеше ирегендә…
Сайлый белү, кеше акылында,
Күңелендә аның – җилегендә.
Язылгандыр гомер озынлыгы,
Ләкин алар безгә билгесез…
Тыелырга кирәк, үтәү кирәк,
Дөрес яшәүләрнең билгесен.
Бөтен ризык Раббың тарафыннан,
Булган малың- сынау нигъмәте.
Билгеле бит, кеше җир йөзенә,
Үз теләге белән килмәсе…
Тәкъдир бит ул гади генә түгел,
Ул бит- сиңа диеп язылган…
Тәкъдиреңә тугры булу кирәк,
Гомер буе… аның языннан…
Безнең өчен ул бит язылган!

Кыямәт көне

Ахырзаман сүзе иманлы өчен,

Ышануның ул бер кисәге.

Кыямәт көне алда көткәнлеге,

Гамәлләрең өчен кичәге…

Җавапларга карап, Сират үтү,
Ул күпердә соңгы сынаулар…
Ничек үтеп булсын Сират күперен,
Гел җавапсыз калса сораулар.

Динең, Пәйгәмбәрең hәм өммәтең,

Искә төшәр микән милләтең?

Ул вакытта инде тоеп булмый,

Җирдә яшәүләрнең кыйммәтен.

Кылынмаган яки калдырылган
Бер сәбәпсез, намаз, гәмәлләр.
Имансызлар иманлыга карап,
Аптырашта калыр әдәмнәр…
Ата-ана, туганнарда булмас,
Гамәлләрең китмәс яныңнан…
Кемгә тотынырсың, котылырсың,
Җәhәннәмгә егылып янудан…

Кисәтмәде мени изге Китап,

Хәдисләре җитеп Рәсүлнең?

Гыйбәдәттә гомер булыр идең…

Белгән булсаң монда күрәсеңне…

Юлда булу

Юллар сине кая алып бара,
Сәфәрләрең синең кайларга?
Әллә hаман әле өлгермәдең
Кыйбылаңны җирдә сайларга?
Асфальт юллар күкә алып бармый,
Җәяү йөри торган җирләр бар.
Сукмакларын әле үтәсе бит,
Син тоясы көчле җилләр бар.
Ярты юлда калу аянычтыр,
Кая барганыңны күрмичә..
Юлда булулары акылсызлык,
Сәфәр сәбәпләрен белмичә.
Тыңламыйча күптән әйтелгәнне,
Көйсез балалыкта калабыз.
Кемгә барганнарны аңламыйча,
Кунакка дип hаман барабыз…
Акыл биргән безгә шуның өчен,
Гади сорауларны чишәргә.
Үз гәмәлләренә ышанып…
Язмыш юлын имин кичәргә.

Ахирәттә җаза

Ахирәттә җазаларга сәбәп була,
Кешеләрнең язмышлары азагында.
Ялган рәхәт, сәләм бирә сиңа кабат,
Ул кылынган гамәлләрнең газабында.

«Кәбаир"е- ин зурлары гөнаhыңның,

«Сәгаир"е – була кимерәге кечеләре…

Гөнаhларның хуҗалары-кылучылар,

Аны кылган бәндәләре, кешеләре…

Тыела алсаң әгәр аның зурысыннан,
Җиңелерәк сымак сина булыр…
Кечеләрен көчең җитеп син кылмасаң,
Олылары ерактарак синнән булыр…

Куркынчы безгә аның олылары…

Аллаh юлын тыңламыйча инкарь итү…

Белә торып, аңлый алып, санга сукмау,

Ул юллардан төрле якка читкә китү.


Шайтан сүзен hәрвакытта өстен кую,

Аңламыйча я аңлапта, аңа иярү…

Иман юлын курсәткәндә чакырганда,

Эре генә «Гөнаhым юк» – дия алу.


Харам белән бу тормышта туенулар…

Вәхшилеккә якын булган кылып гамәл,

Кешелектән ерак торган, тыелганнар,

Газапларга ахирәттә ул юл- гамәл…

Иман сүзе

Иман сүзе бик күләмле,
Карыйк әле берәм берәм.
Мөэмин диләр -ышанганны,
Яшәгәнне иман белән.
Кяфер була – ышанмаучы.
Монафиклар – ике йөзле…
Мөшрикләр – бик күпләргә,
Аллаh диеп бора йөзне…
Иман булса ышану бар…
Аллаh, Китап биргәннәргә.
Ахирәткә, Тәкъдирләргә,
Фәрештәләр, Пәйгәмбәргә.
Шартлары бар-ихлас булу,
Сүзләрдә hәм гамәлләрдә.
Саклык кирәк, игътибарлык,
Хәттә биргән сәләмнәрдә…
Игътикатне, гыйбәдәтне…
Әхлакнедә эченә ала…
Гыйлем өстәп баручылар,
Асылына төшенә ала…
Уйлау кирәк hәм фикерләү,
Аллаhыны онытмыйча.
Вакытларны исраф итми,
Газапларга юлыкмыйча!

Шигырь язам

Шигырь язам әле вәгазь итеп،
Җыеп алып китап сүзеннән.
Аллаhыга якынырак кебек,
Шигырь сөя алган күңелләр.
Язып куйган элек җөмләләрне,
Күзем белән бераз күргәннәрне.
Укыганны, тынлый алганнарны,
Яңа гына әле белгәннәрне…
Читтә калмас өчен нигъмәтләрдән,
Җирдә күрик иман нурларын…
Җитәрлектер аның нурларыда,
Күрмибез шул безгә булганын…
Нурсыз кояш ничек булыр иде,
Нурсыз йөздә, күпме матурлык?
Калебләрдә күпме җылылык бар,
Иман гөле чәчәк атырлык?…

Алда диеп уйлау ялгышырак,

Җитми әле диеп вакытлар…

На следующую страницу
Другие книги автора Рузил Фазлыев
Ваши рекомендации