Кто искренне раскаивается, тот Аллахом прощается
Кешірімді бол
Өкпем бар, өкпем бар саған деген
Осылайша жалғыз өкпелейтін адам бе екен?!
Адамдардың бір-біріне таусылмайтын реніштері
Түсінсе ғой, өкінгенмен өзгермейді өмір деген
Кей адамдар таусылып өксігеннен
Жақсыны ойлап алға қадам басса екен
Ұтпайды ғой адам ештеңе күйзелгеннен
Пайдасыз нәрсеге уақытын өткізгеннен
Өкінбе- өткенге, өкпелеме- ешкімге
Адамға да, Аллаға сөз айтып тістенбе
Өкпелесең, егер сен біреуге
Кешіре сал, кешіре сал сол күнде
Мейірімді, рақымды Жаратушы бір Алла
Кешіреді ғой пендесін, кешірім ол сұраса
Жұмағынан қуылған Адам ата пайғамбар
Кешірілген соң, қайтып барды жұмаққа
99 көркем есім тән Тәңірге
Біле берсең сауабы көп білгенге
Әл-Ғафу, Әл-Ғафуру есімдерін біліп жүр
Кешірімді бол, осыны ұста есіңде
12/05/2018
Алланың берген қанаты
Анаңның жоғы білінер
Анасыз бала түсінер
Алланың берген мейірімін
Бағалай сендер біліңдер
Алла сені жаратты
Саған өмір сыйлады
Ата-ана дегенің
Алланың берген қанаты
Разылығын алғың келсе Алланың
Әуелі разылығын ал анаңның
Меккеге үш рет апарсаң да арқалап
Қайтара алмассың жақсылығын анаңның
Анаңды бауырым әрқашанда бағала
Шүкіршілік ет Жаратушы Аллаға
Қос қанатың бар, ей мүмін, ұмытпа
Алладан тіле амандығын қашанда
9/06/2018
Неге үйіме келмейсің?
Күндіз-түні жұмыс істейсің
Ақша табуды көздейсің
Мал-мүлкіні жинаумен
Уақытыңның зымырағанын сезбейсің
Ақша, ақша деуменен
Жұмыс, жұмыс деп жұмыспен
Ата-анаң мен жанұяңды
Ұмытып кетесің-ау кейде сен
Тәулігіне 24 сағат берсем де
Уақытым жоқ деп жүргейсің
5 минуттық намазбен
Үйіме неге келмейсің?
Жаратып едім сені мен
Өмірді сыйлап тағы да
Құран оқып, намазбен
Көрмедім сені бірақта
Мойындағандарың бар ішінде
Жоққа шығарғандар да бар бүгінде
Мойындамай, үйімді айналып өткендер
Тозақтың отына күйесіңдер бәрің де
Қиыншылық түсірсем басыңа
Жеңуге көмектесе аламын мен ғана
Бар жақсылық пен сынақтар
Менің жазуымен болатын ұқтың ба?!
Ақылға кел, санасыз, әй, құлым
Тәубеге кел, қанағатсыз, ей, құлым
Үйіме кел, парызыңды орында
Бұл-Мен, сені жаратқан Алла
4/08/2018
Жүрегіңе адасқанның мөрі орныққан
Өйткені санаң соқыр шындықты ұқпаған
Барлық мүшең- сау болса да, ей адам
Надансың ғой, Құранның бетін ашпаған
Кино көріп, ішіп жеуге уақыт бар
Масайрап таң атқанша қыдыруға қуат бар
Бес минуттық намазбенен Құранға
Уақыт жоқ деп толып жатқан сылтау бар
Аллаға серік қоспа, сөз айтпа
Намаз оқып, шүкір деуді ұмытпа
Бір Алланың көмегімен
Шайтанның жолын құлыпта
Намазың, оқыған дұғаң керек емес Аллаға
Өйткені Алла мінсіз, мұқтаж емес еш затқа
Барлығы да өзің үшін істейсің
Соны ұқсай, Аллаға мұқтаж сен ғана
31/08/2018
Алланың сынағынан өтіп сыналар
Сынағынан өтсе деймін сыналғандар
Көптің тілеуі қабыл болар Алламен
Тілеңдер шын жүректен осы тойға жиналғандар
